لاہور ( این این آئی) گلوکار ولی حامد نے کہا ہے کہ گلوکاری کا فن صدیوں سے ہمارے خاندان میں چلا آرہا ہے ، ہماری کئی پشتوں نے کلاسیکل موسیقی کیلئے اپنی زندگیاں گزار دیں اور آج بھی کلاسیکل گلوکاری میں پٹیالہ
گھرانے کو منفرد مقام حاصل ہے ۔ انہوں نے ’’ این این آئی‘‘ سے خصوصی گفتگو کرتے ہوئے کہا کہ میں اپنے خاندان کا واحد فرد ہوں جس نے گلوکاری کے ساتھ فن اداکاری میں بھی قسمت آزمائی کی اور اس میدان میں بھی مجھے اپنے والدین اور پرستاروں کی بدولت کامیابی نصیب ہوئی ۔ انہوںنے کہا کہ جلد ایک بڑے پراجیکٹ کا آغاز کرنے جا رہا ہوں ، وقت آنے پر میڈیا کو مکمل بریفنگ دوں گا ۔
