لودھراں (مانیٹرنگ ڈیسک) قومی اسمبلی کے حلقہ این اے 154 لودھراں کے ضمنی انتخاب کیلئے سپریم کورٹ کی جانب سے نا اہل قرار دیئے گئے تحریک انصاف کے سابق سیکریٹری جنرل جہانگیر ترین کے بیٹے علی ترین نے کاغذات نامزدگی جمع کروا دیئے۔تفصیلات کے مطابق

قومی اسمبلی کے حلقہ این اے 154 لودھراں کے ضمنی انتخاب کیلئے تحریک انصاف کے سابق سیکریٹری جنرل جہانگیر ترین کے بیٹے علی ترین نے کاغذات نامزدگی جمع کروا دیئے ہیں ۔علی ترین جمعرات کو کاغذات نامزدگی جمع کروانے کیلئے الیکشن کمیشن کے مقامی آفس پہنچے تو ان کے ہمراہ ان کے والد جہانگیر ترین اور پارٹی کارکنوں اور عہدیداران کی بڑی تعداد موجود تھی۔میڈیا رپورٹ کے مطابق اس موقع پر کارکنان سے خطاب کرتے ہوئے جہانگیر ترین نے کہا کہ میں ہمیشہ تحریک انصاف کیساتھ کھڑا رہونگااور سپریم کورٹ کے فیصلے کے باوجود عوام کی خدمت کرتا رہونگا، انہوں نے کہا کہ کارکنان کے پرزور اسرار پر میں نے علی ترین کو تحریک انصاف کی جانب سے امیدوار نامزد کیا ہے۔بعد ازاں جلسے سے خطاب کرتے ہوئے علی ترین نے کہا کہ میں عوام کی امیدوں پر پورا اترنے کی کوشش کرونگا، انہوں نے عوام کو یقین دلایا کہ جیت کے بعد زرعی شعبوں سے وابستہ افراد کے حقوق پر قومی اسمبلی میں آواز اٹھاؤنگا۔  تحریک انصاف کے سابق سیکریٹری جنرل جہانگیر ترین کے بیٹے علی ترین نے کاغذات نامزدگی جمع کروا دیئے