ریاض(سی پی پی ) سعودی عرب میں کرپشن کے الزامات میں پھنسے ہوئے 23افراد کو حکومتی ڈیل کے بعد رہا کر دیا گیا ۔سعودی میڈیا رپورٹس کے مطابق ان افراد کی رہائی گزشتہ2 دنوں کے دوران مالی تصفیے کے بعد عمل میں آئی تاہم ابھی تک ان کے نام ظاہر نہیں کیے گئے۔بد ھ کو سعودی حکومت کی جانب سے جاری کردہ رپورٹ میں بتایا گیا کہ شہزادوں ، حکومتی عہدیدار اور کاروباری

شخصیات سمیت زیر حراست 200سے زائد افراد کے کیسز جلد از جلد نمٹانے کی کوشش کی جارہی ہے،کرپشن کے الزامات قبول کرنے والوں کو ناجائز طور پربنائے گئے اثاثوں کا کچھ حصہ ادا کرنے پر رہا کیا گیا، جبکہ الزامات سے انکار کرنے والوں کے خلاف قانونی کارروائی کی جائے گی،رپورٹ میں بتایا گیا کہ آنے والے دنوں میں مزید افراد کو رہا کیے جانیکا امکان ہے۔