کراچی ( آن لائن ) پیپلز پارٹی کے چیئرمین بلاول بھتو زرداری نے کہا ہے کہ نوازشریف کاساتھ دیاتوماضی کی طرح پھردھوکا دیں گے، میری سیاست کسی کیخلاف نہیں عوام کے حقوق کیلئے ہے ، انصاف کے حصول کیلئے طاہرالقادری کاساتھ دیں گے، عمران خان کوصرف وزیراعظم بننے کی فکرہے۔ اپنے بیان میں بلاول بھٹو زرداری نے کہا کہ عوام کے حقوق چھیننے والی کسی بھی قوت کے خلاف جاسکتاہوں، میری سیاست کسی کیخلاف نہیں عوام کے حقوق
کیلئے ہے ، انصاف کے حصول کیلئے طاہرالقادری کاساتھ دیں گے،پیپلزپارٹی کا وفدطاہرالقادری کی اے پی سی میں جائیگا۔ انہوں نے کہا کہ وزیراعلیٰ پنجاب کوسانحہ ماڈل ٹاؤن پرطلب نہیں کیاگیا، وزیراعلیٰ سندھ کوتوپانی کے مسئلے پرطلب کرلیاگیا،رضاربانی پیپلز پارٹی کااثاثہ ہیں،ان سے لاتعلقی نہیں کی۔ بلاول بھٹو نے کہا کہ فیض آباد دھرنیمیں عمران خان کاکردارمثبت نہیں تھا،نوازشریف کاساتھ دیتے توطعنہ ملتاکہ کرپشن کاساتھ دیا،نوازشریف قابل اعتمادنہیں۔
