لاہور ( این این آئی) اداکارہ نیلم منیر کی گزشتہ دنوں گاڑی میں ماہی وے گانے پر رقص کی ویڈیو سوشل میڈیا پر وائرل ہوئی تھی تاہم اب ایک بار پھر انہوں نے عوام کی پرزور فرمائش پر اسی گانے پر رقص کرکے تنقید کو تفریح میں بدلنے کی کوشش کی ہے ۔ ایک تقریب میں طلبہ کی فرمائش پر انہوں نے ڈانس کیا ۔ واضح رہے کہ گزشتہ دنوں
اداکارہ نیلم منیر کی ایک ویڈیو وائرل ہوئی تھی جس میں انہیں اپنی گاڑی کی پچھلی نشست پر ماہی وے گانے پر رقص کرتے ہوئے دیکھا جاسکتا ہے ۔ یہ ویڈیو سوشل میڈیا پر جنگل میں لگی آگ سے بھی زیادہ تیزی کے ساتھ وائرل ہوئی اور اداکارہ کو صارفین کی جانب سے کڑی تنقید کا سامنا کرنا پڑا۔
