مقبوضہ بیت المقدس(این این آئی) فلسطینی علاقوں میں یروشلم کو اسرائیلی دارالحکومت تسلیم کرنے کے امریکی فیصلے کے خلاف مظاہرے ہوئے جس پر اسرائیلی قابض فورسزکی فائرنگ سے دوفلسطینی شہری شہید ہوگئے ۔غیرملکی خبررساں ادارے کے مطابق غزہ پٹی میں مقامی ہیلتھ ڈیپارٹمنٹ نے بتایا کہ مظاہروں کے دوران دو فلسطینی اسرائیلی فوج کی گولیاں لگنے سے شہید گئے۔
ایک فلسطینی کی شہادت غزہ پٹی کے شمالی شہر جبالیا میں ہوئی جبکہ دوسرا مشرقی حصے میں شہیدہوا۔ ان مظاہروں میں دس دیگر فلسطینی زخمی بھی ہوئے۔ اسرائیلی سکیورٹی حکام نے فلسطینیوں کی ان شہادتوںکی تصدیق نہیں کی ہے۔ ویسٹ بینک کے تمام سات بڑے شہروں اور مشرقی یروشلم میں بھی اسرائیل اور امریکا مخالف مظاہروں میں کم از کم پانچ فلسطینیوں کے زخمی ہونے کی اطلاعات ہیں۔
