ممبئی(آن لائن)ولی وڈ اداکار شاہ رخ خان کے لیے ان کی عمر بڑھنا کوئی مسئلہ نہیں کیوں کہ ان کے لیے یہ صرف نمبر ہے اور وہ اپنی زندگی بھی اس ہی طرح جینا چاہتے ہیں۔فلم رئیس میں کام کرنے والے شاہ رخ خان کو ذی سینے ایوارڈز کے دوران بولی وڈ میں 25 سال مکمل کرنے پر ایوارڈ دیا گیا۔جبکہ شاہ رخ خان کا کہنا تھا کہ 25 سال بولی وڈ میں گزارنے کے بعد بھی کچھ تبدیل نہیں ہوا۔ ایونٹ کے دوران

بولی وڈ بادشاہ نے کہا کہ ویسے تو میں 50 سال سے زیادہ کا ہوچکا ہوں، لیکن بولی وڈ میں گزارے ان 25 سالوں میں کچھ بھی تبدیل نہیں ہوا، میرے مداح مجھ سے بیحد پیار کرتے ہیں اور مجھے فلموں میں دیکھنا کا ان کا سپورٹ اور دلچسپی کبھی نہیں بدلی۔52 سالہ شاہ رخ خان نے مزید کہا کہ مجھے اپنی عمر کا احساس ہی نہیں ہوتا، میں اپنی آگے کی پوری زندگی لوگوں کو انٹرٹین کرنا چاہتا ہوں۔

ایوارڈ قبول کرتے ہوئے شاہ رخ خان نے مزید کہا کہ ایمانداری سے بات کی جائے تو جب میں ممبئی آیا تھا، میں نے سوچا تھا کہ میں یہاں دو سال کام کروں گا اور پھر واپس دہلی چلا جاؤں گا، لیکن جب میری فلمیں کامیاب ہونا شروع ہوئیں تو یہ 25 سال پلک جھپکتے گزر گئے۔