اسلا م آ با د(مانیٹرنگ ڈیسک) رواں برس موبائل انٹرنیٹ سپیڈ میں دنیا میں سب سے زیادہ 56 فیصد اضافہ پاکستان میں ہوا ہے۔تفصیلات کے مطابق دنیا کی بڑی انٹرنیٹ سپیڈ تجزیہ کار کمپنی سپیڈ ٹیسٹ ڈاٹ نیٹ نے رپورٹ میں کہا ہے کہ چھپن 56 فیصد اضافے کے ساتھ پاکستان کی اوسط انٹرنیٹ سپیڈ 13 میگا بائٹس فی سیکنڈ ہوگئی ہے۔بھارت میں موبائل انٹرنیٹ سپیڈ 42 فیصد اضافے کے ساتھ 8 میگا بائٹس فی سیکنڈریکارڈ کی گئی ہےجبکہ برازیل

میںموبائل سپیڈ 28 فیصد،جاپان میں 23 فیصد اور امریکا میں 22 فیصد بڑھی ہے۔دنیا میں موبائل انٹرنیٹ سپیڈ کے حساب سے بڑے ملکوں میں چین 32 میگا بائٹس فی سیکنڈ اور امریکا 26 میگا بائٹس فی سیکنڈ کے ساتھ بالترتیبپہلے اور دوسرے نمبر پر ہیں۔واضح رہے کہ پاکستان میں موبائل پر انٹرنیٹ استعمال کرنے والوں کے کنکشنز کی تعداد اب سوا 4 کروڑ کے قریب ہے۔رواں سال سپیڈ میں اضافے کے اعتبار سے پاکستان نے امریکا، چین، بھارت اور روس سمیت بڑے ممالک کو پیچھے چھوڑ دیا ہے۔