لاہور (ا ین این آئی)فلمسٹار میرا نے کہا ہے کہ خوابوں کا شہزادہ ابھی میری زندگی میں نہیں آیا جو مجھے تحفظ دینے کے ساتھ گھر ، عزت اور محبت دے اور میرے وہ تمام مالی اخراجات برداشت کرے جو میرا حق ہے۔ انہوں نے ’’ این این آئی‘‘ سے خصوصی گفتگو کرتے ہوئے کہا کہ بہت سے لوگوں نے مجھے شادی کی پیشکش کی مگر مجھے ان میں اس طرح کا خلوص نظر نہیں آیا جو ہر ایک عورت چاہتی ہے ۔ہر لڑکی کی طرح میرا بھی

خواب ہے کہ میرا اپنا گھر ہو جہاں محبت کرنے والا شوہر میرے ناز نخرے اٹھائے ۔ ہو سکتا ہے کہ 2018ء میری شادی کا سال ہو ۔انہوںنے ایک سوال کے جواب میں کہا کہ اپنے گھریلو اخراجات پورے کرنے کے لئے فلموں میں کام کرتی ہوں لیکن اگر شادی کے بعد شوہر میری وہ تمام ضروریات پوری کرے تو مجھے شوبز میں مزید کام کرنے کی ضرورت نہیں ہو گی ۔ البتہ شوق کی خاطر کبھی کبھار فلموں میں اپنی مرضی سے ہی کام کیا کروں گی۔