اسلام آباد (مانیٹرنگ ڈیسک) امریکہ کے ماہرین نفسیات نے ڈونلڈ ٹرمپ کو جھوٹا قرار دے دیا ہے، تفصیلات کے مطابق امریکہ کے 27 ماہرین نفسیات نے امریکی صدر ڈونلڈ ٹرمپ کو جھوٹا، دغاباز، ذہنی مریض اور نسل پرست انسان اور عالمی امن کے لیے خطرہ قرار دیا ہے ، اس کے علاوہ ماہرین نفسیات  کا کہنا ہے کہ امریکی صدر نے دنیا کو تیسری ممکنہ عالمی جنگ کے دہانے پر پہنچا دیا ہے، اس بات کا انکشاف سینئر صحافی

حامد میر نے ایک نجی ٹی وی چینل کے پروگرام میں کیا اور انہوں نے کہا کہ امریکہ کے گزشتہ سال صدارتی الیکشن کے موقع پر ڈونلڈ ٹرمپ کے بارے میں امریکہ کے سابق صدر اوباما اور ہیلری کلنٹن کی طرف سے جو باتیں کی جاتی تھیں لوگوں نے اس کو سنجیدہ نہیں لیا، انہوں نے مزید کہا کہ ان ماہرین نفسیات نے کہا کہ یہ شخص ایک سپر پاور کا صدر ہے اور یہ کسی بھی وقت تیسری عالمی جنگ کی وجہ بن سکتا ہے۔