لاہور (ا ین این آئی) اداکارہ زارا اکبر کے کیس کا فیصلہ 19دسمبر بروز منگل کو سنایا جائے گا۔ بتایا گیا ہے کہ زارا اکبر نے فیملی کورٹ میں نان ونفقہ اور بچے کے اخراجات کے حوالے سے اپنے شوہر علی فوزی کاظمی کے خلاف دعویٰ دائر کیا تھا ۔
عدالت کی جانب سے متعدد بار طلبی کے باوجود فوزی علی کاظمی عدالت میں پیش نہ ہوئے جس پر عدالت نے کیس کا فیصلہ محفوظ کررکھا ہے ۔ تین روز قبل کیس کا فیصلہ سنایا جانا تھا مگر ایک وکیل کے قتل کی وجہ سے وکلاء کی ہڑتال کے باعث فیصلہ نہیں سنایا جا سکا تاہم اب 19دسمبر کو کیس کا فیصلہ سنایا جائے گا ۔
