اسلام آباد(مانیٹرنگ ڈیسک) 50سالہ سعودی شہری نے اکلوتی بیٹی کی شادی بیک وقت 2سعودی شہریوں سے کردی، شکایت موصول ہونے پر پوچھ گچھ شروع۔ سعودی اخبار ’’عکاظ‘‘ کی ایک رپورٹ کے مطابق 50سالہ

سعودی شہری نے اپنی اکلوتی بیٹی کی شادی پہلے ایک شخص سے کی جس دوران اس نے اپنے شوہر کے ساتھ 2ماہ کا عرصہ گزارا، 2ماہ بعد جب لڑکی میکےماں باپ سے ملنے آئی اور اسی دوران اس کا شوہر شہر سے باہر کسی کام کے سلسلے میں چلا گیا جب کچھ عرصہ بعد وہ واپس آیا تو اسے معلوم ہوا کہ اس کی بیوی تو کسی اور مرد کے ساتھ ازدواجی زندگی گزار رہی ہے جس پر اس نےاس لڑکی کے دوسرے خاوند سے رابطہ کر کے اسے بتایا کہ جس عورت کو تم بیوی بنا کر لائے ہو وہ میرے نکاح میں ابھی تک موجود ہے جس پر دوسرے شوہر نے پہلے شوہر کو کہا کہ میں نے لڑکی کے باپ سے رشتہ مانگا تھا تو مجھے بتایا گیا تھا کہ لڑکی کی کہیں شادی نہیں ہوئی ۔ پوچھ گچھ کے دوران لڑکی کے باپ کا کہنا ہے کہ اس کی بیٹی کا پہلا شوہر اس کی بیٹی کو طلاق دے چکا تھا جبکہ طلاق کے کاغذات بھی وہ نکلوانا بھول گیا تھا۔ تحقیقات کے دوران لڑکی کے دونوں شوہروں کے نکاح خوانوں کو طلب کر کے بھی تفتیش کی گئی ہے جس سے پتہ چلتا ہے کہ لڑکی کے دونوں شوہروں کے ساتھ نکاح کے درمیان ایک ماہ کا فرق پایا جا رہاہے۔