واشنگٹن(مانیٹرنگ ڈیسک) امریکا نے یمن میں انسانی بحران کی بگڑتی ہوئی صورتحال کی وجہ سے سعودی عرب پر دباؤ میں اضافہ کیا ہے۔میڈیارپورٹس کے مطابق امریکاکے حکومتی ذرائع نے کہاکہ ریاض حکومت کو مشکلات کے شکار افراد کے لیے فوری اقدامات اٹھانے چاہییں۔ اس بیان میں مزید
کہا گیا کہ اس تناظر میں کانگریس میں پائے جانے والے عدم اطمینان کی وجہ سے دونوں ممالک کے باہمی روابط متاثر ہو سکتے ہیں۔ سعودی عرب کی سربراہی میں قائم عسکری اتحاد نے رواں برس نومبر سے یمن کی ناکہ بندی کی ہوئی ہے۔ اقوام متحدہ کے مطابق یمن میں سات ملین افراد بھوک کا شکار ہیں۔
