ڈھاکہ (نیوز ڈیسک) بنگلہ دیشی کرکٹر روبیل حسین جو گزشتہ برس کے اختتام سے ہم وطن اداکارہ نازنین اختر کے حوالے سے سکینڈل کے سبب خبروں کی زد میں ہیں، ایک نئی پریشانی سے دوچار ہوچکے ہیں۔ اب اداکارہ نازنین اختر نے الزام عائد کیا ہے کہ کرکٹر نے انہیں بلیک میل کرنے کی کوشش کی ہے۔ سکائپ پر دوران گفتگو انہوں نے اداکارہ کو دھمکی دی ہے کہ وہ ان کی نجی تصاویر میڈیا کو جاری کردیں گے۔ واضح رہے کہ نازنین اختر نے دسمبر 2014میںیہ الزام عائد کیا تھا کہ روبیل حسین شادی کا جھانسہ دے کے ان کے ساتھ زیادتی کرتے رہے ہیں اور پھر شادی کے وعدے سے مکر گئے۔ اداکارہ کی درخواست پر روبیل کو جیل کی ہوا بھی کھانا پڑی تاہم بعد ازاں وہ ضمانت پر رہا ہوئے۔ نازنین نے حالیہ ورلڈ کپ کے دوران بنگلہ دیش کے کوارٹر فائنل تک پہنچنے میں روبیل کے کردار اور ٹیم پرفارمنس کی خوشی میں مقدمہ واپس لینے کا اعلان کیا تھا۔ تازہ ترین الزام کے ہمراہ نازنین نے سکائپ ریکارڈنگ بھی فراہم کی ہے جس میں روبیل کو اداکارہ کو دھمکیاں دیتے ہوئے صاف سنا جاسکتا ہے۔

مزید پڑھئے:دنیا کے نالائق ترین افراد، جن کے قدموں میں کامیابی بچھ گئی