نئی دہلی (این این آئی)بالی ووڈ اداکارہ و پروڈیوسر دیا مرزا کو اقوام متحدہ کی جانب سے خیر سگالی سفیر برائے ماحولیات مقرر کردیا گیا ہے۔ اقوام متحدہ کی جانب سے خیر سگالی سفیر مقرر کیے جانے کے بعد دیا مرزا اب بھارت میں تحفظ ماحولیات کیلئے کام کریں گی۔

دیا اس سے قبل بھی ماحولیات پر کام کرچکی ہیں اور ان کی انہی خدمات کو دیکھتے ہوئے اقوام متحدہ نے انہیں اپنا سفیر مقرر کیا ہے ۔اپنی تقرری پر دیا مرزا نے کہاکہ مجھے فخر ہے کہ اب میں تحفظ ماحولیات کیلئے اقوام متحدہ کیساتھ ملکر کام کرسکوں گی۔

موضوعات:دیا مرزا