اسلام آباد(نیوزڈیسک)راولپنڈی اسلام آباد میں کرفیو،میڈیاہاﺅسز میں فون کالز کا تانتا بندھ گیا،شہریوں کے ہوش اُڑ گئے،اسلام آباد میں دھرنے کے خلاف آپریشن کے بعد ملک بھر میں صورتحال انتہائی کشیدہ ہے، راولپنڈی، اسلام آباد میں حالات کنٹرول سے باہر ہونے کے بعد فوج طلب

کرلی گئی ہے جبکہ سوشل میڈیا پر افواہیں زیرگردش ہیں کہ وزیراعظم شاہد خاقان عباسی نے اپنی ناکامی کا اعتراف کرتے ہوئے وزارت عظمیٰ سے استعفیٰ دے دیا ہے ،وفاقی وزیر قانون زاہد حامداپنے عہدے سے استعفیٰ کی پیشکش کرچکے ہیںسوشل میڈیا پر یہ افواہ بھی زیر گردش ہے کہ راولپنڈی اور اسلام آباد میں کرفیو لگانے کا فیصلہ کرلیاگیا ہے جس کے بعد میڈیاہاﺅسز میں شہریوں کی فون کالز کا تانتا بندھ گیا ہے ، شہری یہ معلوم کرنے کی کوشش میں ہیں کہ کیا واقعی کرفیو کے احکامات جاری کئے گئے ہیں، اکثر لوگوں کو یہ بھی پریشانی ہے کہ اگر کرفیو لگادیاگیا تو روز مرہ زندگی جو کہ دھرنے اور پھر آپریشن سے پہلے ہی بری طرح متاثر ہے وہ آگے کیسے چلے گی۔ قبل ازیں چیف آف آرمی سٹاف جنرل قمر جاوید باجوہ نے وزیر اعظم شاہد خاقان عباسی کو فون کر کے مشورہ دیا ہے کہ اسلام آباد کے دھرنے کو پر امن طریقے سے ختم کیا جائے ۔فوجی ترجمان میجر جنرل آصف غفور نے اپنے ٹوئٹر پر کہاکہ جنرل قمر جاوید باجوہ نے ٹیلیفون کے دور ان وزیر اعظم سے کہا کہ دونوں فریق تشدد سے احتراز کریں کیونکہ تشدد قومی مفاد اور واحدت کے لئے ٹھیک نہیں ہے ۔