لندن (یوا ین پی) سابق آسٹریلین فاسٹ بالر جیسن گلیسپی کو سسیکس کاؤنٹی کا نیا ہیڈ کوچ مقرر کردیا گیا۔ دوہزار چودہ میں انہوں نے یارکشائر کی کوچنگ چھوڑ دی تھی جبکہ رواں سال کچھ عرصے کیلئے کینٹ کی رہنمائی کی۔کہا جارہا تھا کہ وہ اپنے ملک میں کام کرنے کا ارادہ رکھتے ہیں تاہم جیسن گلیسپی کی تقرری سے میٹ پرائر کی عہدے میں دلچسپی سمیت تمام قیاس آرائیوں کا خاتمہ ہوگیا۔ کاؤنٹی حکام کے مطابق جیسن گلیسپی نے ابتدائی طور پر تین سال کا معاہدے پر دستخط کئے ہیں اور وہ آئندہ سال کے اوائل میں مارک ڈیوس کی جگہ اپنی ذمہ داری سنبھالیں گے۔