اسلام آباد(مانیٹرنگ ڈیسک)امریکی صدر ڈونلڈٹرمپ نے بھی شمالی کوریا پر ایٹمی حملے کا حکم دیا تو ایٹم بم نہیں چلاؤں گا، امریکی فضائیہ کے سربراہ جنرل جان ہیٹن کا ہالی فیکس انٹرنیشنل سکیورٹی فورم سے خطاب کے دوران اعلان۔ تفصیلات کے مطابق امریکی فضائیہ کے سربراہ جنرل جان ہیٹن نے ہالی فیکس انٹرنیشنل سکیورٹی فورم سے خطاب کرتے ہوئے اعلان کیا ہے کہ امریکی صدر نے اگر انہیں شمالی کوریا

پر ایٹمی حملے کا حکم دیا تو وہ ایٹم بم نہیں چلائیں گے۔ جنرل جان ہیٹن کا کہنا تھا کہ ہر حملے سے پہلے بہت سے پہلوؤں پر غور کرنا ہوتا ہے۔ ہالی فیکس انٹرنیشنل سیکیورٹی فورم سے خطاب کرتے ہوئے جان ہیٹن نے کہا کہ ہم کوڑھ مغز اور بے وقوف لوگ نہیں۔ جب ذمہ داری دی گئی ہے تو اس پر سوچ بچار کرنا بھی ہمارا فرض ہے۔ اگر حکم غیر قانونی ہوا تو صدر کو بتائیں گے تاکہ دیگر آپشنز پر غور کیا جاسکے۔