کراچی (مانیٹرنگ ڈیسک) ربیع الاول1439ہجری کا چاند نظر آگیا،عید میلاد النبی ؐ یکم دسمبر بروز جمعہ کومذہبی عقیدت واحترام سے منائی جائے گی ۔اتوار کو ربیع الاول 1439 ہجری کاچاند دیکھنے کیلئے مرکزی رویت ہلال کمیٹی کے چیئرمینمفتی منیب الرحمان کی زیر صدارت رویت ہلال کمیٹی کا اجلاس کراچی میں منعقد ہوا جس میں محکمہ موسمیات کے نمائندوں اور دیگر علماء کرام نے شرکت کی جبکہ صوبائی دارالحکومتوں کے زونل دفاتر

میں بھی چاند دیکھنے کے لیے اجلاس منعقد کیے گئے۔اجلاس کے اختتام پر مرکزی رویت ہلال کمیٹی کے چیئرمین مفتی منیب الرحمان نے اعلان کیا کہ ربیع الاول1439ہجری کا چاند نظر آگیا ہے عید میلاد النبی ؐ یکم دسمبر بروز جمعہ کومذہبی عقیدت واحترام سے منائی جائے گی۔اس طرح سرکاری ملازمین کو اکٹھی تین چھٹیاں جمعتہ المبارک، ہفتہ اور اتوار منانے کا موقع ملے گا،چاند نظر آنے کی شہادتیں ملتان،تربت ،کراچی ،جیوانی سے ملیں۔