اسلام آباد (این این آئی)وزیر مملکت اطلاعات مریم اورنگزیب نے کہا ہے کہ تمام تر تحفظات کے باوجود نوازشریف عدالتوں کا سامنا کررہے ہیں ٗ عمران خان خود ہی اداروں کے ترجمان بنے ہوئے ہیں ٗہمارے بارے میں سپریم کورٹ سے بھاگنے کا تاثر دیا جاتا تھا
لیکن وقت کے ساتھ تمام تاثرات غلط ثابت ہوئے ۔ منگل کو مریم اورنگزیب نے احتساب عدالت کے باہر میڈیا سے گفتگو کرتے ہوئے کہا کہ تاثر دیا جاتا رہا کہ شریف خاندان عدالتوں سے بھاگ رہا ہے تمام تر تحفظات کے باوجود نواز شریف عدالتوں کا سامنا کررہے ہیں۔ جے آئی ٹی نے پوری دنیا سے ثبوت اکٹھے کرنے کی کوشش کی۔ عوام نے نواز شریف کو دو مرتبہ وزیراعلیٰ اور
تین مرتبہ وزیراعظم منتخب کیا۔ عوام کا جوش نواز شریف کی قیات پر بے لوث اعتبار اور محبت کا نتیجہ ہے عمران خان اداروں کو متنازعہ بنا رہے ہیں۔ عمران خان خود ہی اداروں کے ترجمان بنے ہوئے ہیںمسلم لیگ کے رہنما مشاہد اللہ خان نے کہا کہ نوازشریف نے پاکستان کے وقار کو بلند کیا جبکہ سپریم کورٹ نے انھیں کرپشن کے بجائے اقامہ پر سزا دی۔
