ممبئی (این این آئی)بالی وڈ اداکار اکشے کمار فلم’2.0‘میں ولن کا کردارادا نہیں کریں گے۔میڈیا رپورٹ کے مطابق اکشے کمار فلم’2.0‘ میں رجنی کانت کے روپ میں ڈاکٹر ریچرڈ کا کردار ادا کریں گے ۔لیجنڈری اداکار رجنی کانت اور اکشے کمار کی فلم2.0سب سے زیادہ بجٹ کے ساتھ بنائی جانے والی سائنس فکشن فلم ہے

جبکہ فلم تکمیل کے مراحل میں ہے اور اس کے تشہیری پوسٹرز بھی منظر عام پر آچکے ہیں جس میں دونوں اداکاروں کے روپ کو بے حد پسند کیا گیا لیکن فلم میں دونوں اسٹارز کئی روپ میں دکھائی دینے والے ہیں۔فلم آئندہ سال 25جنوری کو نمائش کے لئے پیش کی جائے گی۔