لاہور(مانیٹرنگ ڈیسک) پاکستانی آل راؤنڈر شاداب خان نے سر ی لنکاکے خلاف دوسرے ٹوئنٹی20میچ میں چار اوورزمیں صرف14رنزکے عوض ایک وکٹ حاصل کرنے کے علاوہ یادگارچھکے سمیت آٹھ گیندوں پر ناقابل شکست اور قیمتی ترین16*رنزبناکر میچ کے بہترین کھلاڑی کا اعزاز حاصل کیا جو اس فارمیٹ میں اس کا تیسرامین آف دی میچ ایوارڈ ہے۔یوں وہ 2017 میں سب سے زیادہ مین آف میچ ایوارڈز حاصل کرنے والا کرکٹر بن گے ہیں، ان کے علاوہ افغانستان کے محمد نبی نے بھی رواں سال

ٹوئنٹی20مقابلوں میں اتنے ہی ایوارڈز حاصل کئے ہیں تاہم اس نے زیادہ تر میچز ایسوسی ایٹ ٹیموں کے خلاف ہی کھیلے ہیں۔پاکستان میں کھیلوں کے سب سے کامیاب میگزین اسپورٹس لنک میں ریکارڈ بک کے نام سے ایک سلسلہ ہرہفتے شائع کیا جاتا ہے جس میں دنیائے کرکٹ میں بننے اور ٹوٹنے والے ہروہ ریکارڈ جو دیگراخبارات اور بریکنگ نیوز کی دوڑ لگانے والے میڈیا چینلز کی نظروں اوجھل رہتے ہیں۔ وہ ہم اپنے شائقین کی معلومات میں اضافے کیلئے اپنے میگزین میں خصوصی طور پر شائع کرتے ہیں۔