فیصل آباد (مانیٹرنگ ڈیسک) فیصل آبا دمیں مبینہ طورپر ایک بچے کو جنسی درندگی کا نشانہ بنانے کے بعد بالائی منزل سے برہنہ حالت میں ہی گلی میں پھینک دیاگیا پولیس نے بالائی منزل پرکارروائی کرتے ہوئے مدرسے کے مہتمم سمیت 5 افراد کو حراست میں لے لیا۔ میڈیا رپورٹ کے مطابق فیصل آباد کے علاقے مدینہ ٹاؤن میں 8 سالہ طالب علم عمران تیسری منزل سے گر کر جاں بحق ہوگیا ٗ اہل علاقہ کے مطابق چند لوگوں نے لاش صبح 4 بچے گلی میں دیکھی اور مدینہ ٹاؤن پولیس کو اطلاع دی گئی تاہم باربار طلب کرنے کے باوجود پولیس موقع پر نہ پہنچی

اور بچے کی لاش تقریباً 5 گھنٹے گلی میں پڑی رہی۔پولیس حکام کے مطابق واقعہ کی اطلاع ملتے ہی پولیس کی نفری نے جائے حادثہ پہنچ کر لاش قبضے میں لے لی جو برہنہ حالت میں گلی میں پڑی تھی اور ابتدائی تفتیش سے لگتا ہے کہ بچے کو زیادتی کے بعد تیسری منزل سے دھکا دے کر گرایا گیا جبکہ اہل علاقہ کے مطابق عمارت کی دوسری منزل پر ایک مدرسہ ہے اور چند ماہ قبل بھی اسی مدرسے کے بچے نورآغا کو زیادتی کے بعد قتل کیا گیا تھا۔ پولیس نے مدرسے کے مہتمم عبداللہ سمیت 5 طالب علموں کو حراست میں لے کر مزید تفتیش شروع کردی ہے۔