شعیب اختر نے بھارتیوں کو آئینہ دکھایا تو جواب میں ’ہندو سورمائوں‘‘ نے راولپنڈی ایکسپریس کو کیا کہا

اسلام آباد(مانیٹرنگ ڈیسک)بھارت اور نیوزی لینڈ کے درمیان دوسرے ون ڈے سے قبل پچ فکسنگ کی خبرپر پاکستانی فاسٹ بالرشعیب اخترکا ردعمل بھارتیوں کو ایک آنکھ نہ بھایا۔ شعیب اختر کی ٹویٹ پرتبصروں کا طوفان امڈ آیا۔پچ خراب کرنے کی خبر پراپنا موقف ظاہرکرتے ہوئے شعیب نے سماجی رابطوں کی ویب سائٹ

ٹوئٹرپرلکھا کہ’’ اگر پچ فکسنگ کی خبر کوئی مذاق یا افواہ ہے تب بھی اس معاملے میں آہنی ہاتھوں سے نمٹا جائے کیونکہ کرکٹ پہلے ہی بہت زیادہ تباہ ہو چکی ہے‘‘۔اب بھارتی یہ کیسے برداشت کرتے کہ کوئی انہیں آئینہ دکھائے، کرکٹ شائقین فورا میدان میں آگئے۔ الٹا شعیب اختراور پاکستان کرکٹ کو ہی تنقید کا نشانہ بنایا جانے لگا۔ کسی نے شعیب کو ٹھنڈا رہنے کا مشورہ دیا تو کسی نے بڑے پیار سے انہیں سمجھانے کی کوشش کی۔کیس نے اسپاٹ فکسنگ اسکینڈل کا حوالہ دیکر کہا کہ پہلے اپنے کرکٹرز کو سکھاؤ۔ایک دل جلے نے لکھا کہ ساری فکسنگ میں تو پاکستانی اول ہیں۔شعیب کو تو بیروزگاری کا طعنہ بھی مل گیا۔ ایک صارف بولا کہ لگتا ہے کوئی کام دھندا نہیں ہے۔ان دل جلی ٹویٹس کا جواب تو پاکستانیوں نے بھی خوب دیا۔واضح رہے کہ دو روز قبل بھارت اور نیوزی لینڈ کے درمیان دوسرے ون ڈے سے قبل پچ کے معاملے پر نیا تنازع کھڑا ہو گیا تھا۔ بھارتی ٹی وی رپورٹر نے اسٹنگ آپریشن کر کے پچ کے نگران (کیوریٹر) پندورنگ سلگونکارکو لالچ دیکر مرضی کی پچ تیارکرنے کیلئے کہا تھا۔ کیوریٹر نے آفر قبول کر لی تھی جس کی ویڈیو بھی سامنے آ چکی ہے جس میں دیکھا جاسکتا ہے کہ اڑسٹھ سالہ کیوریٹر سلگونکار میچ سے قبل پچ کو پاؤں سے اکھاڑنے اور خراب کرنے کی کوشش کررہا ہے۔

Even if this is #pitchfixing is rumor or a joke it should be dealt with an iron fist coz the game has already been damaged alot!!

— Shoaib Akhtar (@shoaib100mph) October 25, 2017

موضوعات:شعیب اختر

شعیب اختر نے بھارتیوں کو آئینہ دکھایا تو جواب میں ’ہندو سورمائوں‘‘ نے راولپنڈی ایکسپریس کو کیا کہا

کالم

کرسمس