اسلام آباد (مانیٹرنگ ڈیسک) آئی سی سی کے اینٹی کرپشن یونٹ نے سرفراز احمد کا آدھے گھنٹے انٹرویو لیا، آئی سی سی اینٹی کرپشن یونٹ کے آفیسر نے پاکستان کرکٹ ٹیم کے کپتان سے پوچھا کہ کبھی آپ نے بکی سے کوئی تحفہ لیا ہے اس کے علاوہ ایک اور سوال کیا کہ آپ بکی کو کب سے جانتے ہیں، اینٹی کرپشن یونٹ کے آفیسر نے آدھا گھنٹہ پاکستانی کپتان کا انٹرویو لیا، سرفراز احمد کی بکی بارے اطلاع دینے
پر تحریک انصاف کے چیئرمین نے کہا کہ سرفراز احمد نے بکیز کو ایکسپوز کر دیا ہے اس لیے بکیزاب سرفراز سے ڈریں گے، اب وہ سرفراز احمد سے رابطہ نہیں کریں گے۔ انہوں نے کہا کہ سرفراز احمد نے بورڈ کو آگاہ کرکے اچھا کام کیا ہے۔ انہوں نے کہاکہ سپاٹ فکسنگ قوم سے غداری ہے، سرفراز کو اس عمل پر میں داد دیتا ہوں، عمران خان نے کہا کہ کڑا احتساب ہوتا تو سپاٹ فکسنگ ختم ہو چکی ہوتی۔
