لاہور (مانیٹرنگ ڈیسک) اکشے کھنہ بالی ووڈ فلم انڈسٹری کا ایک معروف چہرہ ہے جنہوں نے اپنی اداکاری کی وجہ سے دنیا بھر میں شہرت حاصل کی، ان کی کئی فلمیں بالی ووڈ فلم انڈسٹری میں مقبولیت کی سند حاصل کر چکیں ہیں۔ 1997ء میں اپنے فلمی کیرئر کا آغاز کرنے والے اکشے کھنہ 37 بالی ووڈ فلمز میں اداکاری کے جوہر دکھا چکے ہیں۔
اپنے والد کی آخری رسومات میں وہ میڈیا کی توجہ کا مرکز بنے رہے، ان کی عمر 41 سال ہے اور اب تک ان کی شادی بھی نہیں ہوئی۔ تازہ ترین تصاویر کے مطابق وہ گنجے پن کا شکار ہو گئے ہیں، انہوں نے حال ہی میں بالوں کا ہیر ٹرانسپلانٹ بھی کروایا جو زیادہ کارگر ثابت نہ ہو سکا۔ان کی پرانی اور نئی تصاویر میں زمین آسمان کا فرق ہے۔
