اسلام آباد(مانیٹرنگ ڈیسک)کرم ایجنسی میں دہشتگردوں کی کارروائی کا نشانہ بن کر وطن کی خاطر جام شہادت نوش کرنے والے کیپٹن حسنین کا تعلق پاکستان کے صوبہ پنجاب کے علاقہ ننکانہ صاحب سے ہے۔ وطن کے اس جری سپوت کا جسد خاکی جب ان کے آبائی علاقے پہنچا تو پورا علاقہ شہید
کے استقبال کیلئے امڈ آیا۔ اس موقع پر سکھ کمیونٹی کا جذبہ دیدنی تھا، سکھ نوجوان ایمبولینس میں رکھے شہید کپیٹن حسنین کے جسد خاکی کے ساتھ دوڑتے اور گل پاشی کرنے کے ساتھ ساتھ فلک شگاف نعرے لگاتے رہے۔ پاک فوج سے محبت اور عقیدت کا یہ جذبہ آپ بھی ملاحظہ کریں!
