اسلام آباد(مانیٹرنگ ڈیسک)شمالی کوریا کا بحرالکاہل میں نئے ایٹمی تجربہ کا اعلان، ماہرین کی اب تک کی سب سے خطرناک وارننگ، پاکستان بھی خطرات کی لپیٹ میں آگیا۔ تفصیلات کے مطابق شمالی کوریا نے ایک نیا ایٹمی تجربہ کرنے کا اعلان کر رکھا ہے اور اس بار وہ بحرالکاہل میں دھماکہ کرے گا۔ شمالی کوریا کے بحرالکاہل میں ایٹمی تجربے کے حوالے سے ایٹمی مواد کے پھیلائو کو روکنے کیلئے بنائی گئی تنظیم سی ٹی بی ٹی نے ایک ہولناک رپورٹ جاری کی ہے جس میں انکشاف کیا گیا ہے کہ اگر شمالی کوریا نے بحرالکاہل میں ایٹمی تجربہ کیا تو اس سے تابکاری شعاعوں کے بادل ٹھیں گے اور کئی یورپی

اور ایشیائی ممالک کو اپنی لپیٹ میں لے لیں گے۔غیر ملکی خبر رساں ادارے کی ایک رپورٹ کے مطابق ٹی بی ٹی کی ایگزیکٹو سیکرٹری لیسینازربو نے ٹویٹر پر ایک نقشہ جاری کیا ہے جس میں دکھایا گیا ہے کہ دھماکے کے بعد دو ہفتے تک تابکاری چاروں اطراف میں پھیلتی چلی جائے گی اور کئی ممالک کو لپیٹ میں لے لے گی۔ ایک امریکی مانیٹرنگ گروپ نے اپنی رپورٹ میں بتایا ہے کہ اس بار شمالی کوریا جو دھماکہ کرے گا اس سے ممکنہ طور پر 250کلو ٹن تابکاری شعاعیں پیدا ہوں گی جو سرکاری اندازے سے کہیں زیادہ ہیں۔ یہ مقدار 1945میں ہیروشیما پر گرائے گئے امریکی ایٹم بم سے 16گنا زیادہ ہو گی۔