اسلام آباد (مانیٹرنگ ڈیسک) مس انڈیا اور اس کے بعد بالی ووڈ میں شہرت کی بلندیوں کو چھونے والی ’’فلم عاشق بنایا آپ نے‘‘کی ہیروئن ’تنوشری دتا‘‘ تو آپ سب کو یاد ہی ہونگی، بالی ووڈ سے کنارہ کر لینی والی تنوشری دتا کی ایک تصویر ان دنوں ان کی بہن ایشیتا دتا نے سوشل میڈیا پر جاری کی ہےجس میں وہ پہلے سے بہت مختلف دکھائی دے رہی ہیں۔
تنوشری دتا نے اس وقت بالی ووڈ کو خیر آباد کہہ دیا تھا جب وہ شہرت کی بلندیوں پر تھیں، فلمی دنیا کی پھیکی چکاچوند کو تنوشری نے جلد ہی سمجھ لیا اور روحانی تسکین کیلئے فلمی دنیا سے کنارہ کشی اختیار کر لی۔ ایک انٹرویو میں انھوں نے کہا کہ میں نے عیسائیت میں اپنے مذہب کو پایا ہے۔ حالانکہ اس سے پہلے تنوشری دتاہندو آشرم میں بھی رہ چکی ہیں۔
