کراچی (نیوزڈیسک )تحریک انصاف کو 19 اپریل کو شاہراہ پاکستان پر جلسے کی اجازت مل گئی ہے۔
۔ تحریک انصاف کی جانب سے جلسے کی اجازت کے لئے درخواست ڈی سی سینٹرل آفس میں جمع کرائی گئی تھی جسے منظور کرلیا گیا اور تحریک انصاف 19 اپریل کو شاہراہ پاکستان پر عوامی طاقت کا مظاہرہ کرے گی۔ ذرائع کا کہنا ہے کہ جلسے کے لئے عائشہ منزل پر اسٹیج بنایا جائے گا اور پی ٹی آئی کے چیرمین عمران خان شام 6 بجے جلسہ سے خطاب کریں گے۔واضح رہے کہ قومی اسمبلی کے حلقہ این اے 246 میں 23 اپریل کو ہونے والے ضمنی انتخابات کے سلسلے میں تحریک انصاف نے پہلے عزیز آباد کے جناح گراو¿نڈ میں جلسہ عام منعقد کرنے کا اعلان کیا تھا تاہم بعد ازاں جلسے کے مقام کو تبدیل کرکے شاہراہ پاکستان کردیا گیا۔