ریاض(این این آئی)سعودی عرب کے نوجوان فلم ہدایت کار ( ڈائریکٹر) فہد الشریف نے اپنی والدہ کے ساتھ کار میں بیٹھے ہوئے ٹویٹر پر ایک سیلفی شئیر کی ہے۔اس کی خاص بات یہ ہے کہ اس میں ان کی والدہ ڈرائیونگ سیٹ پر بیٹھی ہوئی ہیں اور کار چلا رہی ہیں۔عرب ٹی وی کے مطابق انھوں نے ایک ٹویٹ میں لکھا کہ میں یہ توقع کرتا ہوں کہ میری والدہ پہلی سعودی خاتون ہوں گی ،

جو الراقعی چیک پوائنٹ سے کار چلاتے ہوئے گزری ہیں۔سکیورٹی اہلکاروں کا شکریہ ۔ٹویٹر کے بہت سے صارفین نے فہدالشریف کی والد کی سڑک پر کار چلانے کی صلاحیت کو سراہا ہے۔ جس شاہراہ پر وہ کار چلا رہی ہیں ،یہ کویت کے ساتھ واقع سعودی عر ب کے سرحدی علاقے میں واقع ہے۔ واضح رہے کہ فہد الشریف نے ہالی ووڈ سے فلم سازی میں ماسٹر ڈگری حاصل کی تھی۔وہ

اپنی فلموں پر متعدد ایوارڈ ز حاصل کرچکے ہیں۔فہد الشریف نے یہ سیلفی سعودی خواتین کی ڈرائیونگ کی حمایت میں ہیش ٹیگ کے ساتھ ٹویٹر پر پوسٹ کی تھی