ممبئی (نیوز ڈیسک)بالی وڈ کی اداکارہ سوناکشی سنہا اپنے والد شتروگھن سنہا کے ساتھ پہلی بار بڑے پردے پر فلم ’اکیرا‘ میں دکھائی دیں گی۔اس فلم میں وہ ایکشن کرتی نظر آئیں گی جس کے لیے ان کی تربیت کا سلسلہ جاری ہے۔ اسی وجہ سے انھوں نے کافی وزن بھی کم کیا ہے۔سلمان خان نے ٹوئٹر پر سوناکشی سنہا کی ایک تصویر شیئر کی جس میں وہ سیاہ لباس پہنے ہوئے ہیں۔سلمان لکھتے ہیں: ’دیکھ لو دبلی پتلی سوناکشی کو، اب یقین آیا، واہ واہ! کمال کرتی ہو یار رجّو۔فلم ’اکیرا‘سوناکشی کی پہلی ایکشن فلم ہوگی۔فلم ’دبنگ‘ سے اپنے فلمی کریئر کی ابتدا سلمان خان کے ساتھ کرنے والی سوناکشی ہمیشہ سے ہی اپنے وزن کے باعث ناقدین کے نشانے پر رہی ہیں۔