ممبئی(نیوز ڈیسک) بالی ووڈ دبنگ خان کو سماجی رابطے کی ویب سائٹ ٹوئٹراستعمال کرتے ہوئے ابھی صرف 5 سال ہی ہوئے ہیں لیکن اس دوران انہوں نے اداکارہ سوناکشی سنہا کی تعریفوں میں بھی زمین ا ورآسمان ایک کردیئے ہیں۔ ٹوئٹر پر سرگرم رہنے والے سلو میاں نے سوناکشی کی تعریف کے اتنے پل باندھے کہ انہیں بالی ووڈ دیوی اوردبلی پتلی قراردیا یہی نہیں انہوں نے سوناکشی کی ایک تصویربھی اپنی وال پر پوسٹ کی جس پر تبصرہ کرتے ہوئے انہوں نے لکھا کہ “دیکھ لو دبلی پتلی سوناکشی دیوی کو اب یقین آیا”۔واضح رہے کہ سلمان خان کے ٹوئٹر پر ایک کروڑ 14 لاکھ 54 ہزار 746 سے زائد فالوورز ہیں اور وہ اب تک 4 لاکھ سے زائد ٹوئٹ بھی کر چکے ہیں۔