لاہور(آئی این پی )نامور اداکارہ لیلیٰ نے کہا ہے کہ فارغ اوقات میں پرانی غزلیں اور ادبی کتابیں پڑھنا میرا بہترین مشغلہ ہے ‘ شوبز کی دنیا میں چڑھتے سورج کی پوجا کی جاتی ہے ‘یہ ایسا شعبہ ہے جہاں عروج کے دونوں میں آپ کے بہت سے دوست ہوتے ہیں جبکہ زوال کے دنوں میں آپ کا سایہ بھی ساتھ چھوڑ جاتا ہے ۔ایک انٹر ویو میں لیلیٰ نے کہا کہ میں کسی سے زیادہ امیدیں لگانے
کی قائل نہیں کیونکہ جب کسی سے جڑی امید ٹوٹتی ہے تو یہ بڑا تکلیف دہ مرحلہ ہوتا ہے ۔انہوں نے کہا کہ جو دل کو اچھا لگے وہی کرتی ہوں ،کسی کی بلا وجہ مداخلت یا تنقید کو خاطر میں نہیں لاتی اور اپنے کام سے کام رکھتی ہوں فارغ اوقات میں پرانی غزلیں اور ادبی کتابیں پڑھنا میرا بہترین مشغلہ ہے ۔
