اسلام آباد(نیوز ڈیسک)شارخ خان اور سلمان خان بالی ووڈ فلموں کے علاوہ دیگر کئی کاروبار بھی کرتے ہیں-شاہ رخ خان بالی ووڈ میں سب سے امیر اداکار کے طور پر جانے جاتے ہیں۔ شاہ رخ خان نے اپنا فلم پروڈکشن ہاو¿س’ ’ریڈ چلی انٹرٹینمنٹ“ کھول رکھا ہے۔ان کی زیادہ تر فلمیں یہی بناتا ہے۔شاہ رخ کرکٹ لیگ آئی پی ایل میں کولکتہ نائٹ رائیڈرز کے مالک بھی ہیں۔ شاہ رخ خان نے اس کے علاوہ ’امیجینشن ایجوٹینمنٹ پرائیویٹ لمیٹڈ‘ میں بھی سرمایہ کاری کی ہے جس کی مقامی فرنچائز ’کڈذانیا‘ ہے۔سلمان خان کی ممبئی اور بھارت میں کئی املاک ہیں، جن میں ’پنویل والا‘ فارم ہاو¿س مشہور ہے۔سلمان خان کی کمائی کا بڑا حصہ ان کی اپنی تنظیم ”بینگ ہیومن“ کو جاتا ہے۔ حال ہی میں سلمان خان نے اپنا پروڈکشن ہاو¿س ”سلمان خان پروڈکشن“ شروع کیا ہے۔جان ابراہم نے اپنی معاشیات کی ڈگری کا استعمال کرنا شروع کر دیا ہے۔ جان نے ’وکی ڈونر‘ سے کامیاب پروڈکشن ہاو¿س شروع کیا ہے اور وہ ہاکی لیگ میں ہاکی ٹیم کے مالک بھی ہیں۔اکشے کمار کے دو فلم پروڈکشن ہاو¿س ہیں، ’گیزنگ گوٹ پکچر لمیٹڈ‘ اور ’ہری اوم انٹرٹینمنٹ‘۔ حال ہی میں اکشے کمار نے راج کندرا اور شلپا شیٹی کے ساتھ مل کر ٹی وی شاپنگ چینل بیسٹ ٹی وی ڈیل شروع کیا ہے۔اکشے کہتے ہیں کہ بیسٹ ٹی وی وینچر میں راج کندرا کی زیادہ ذمہ داریاں ہیں اور یہ وینچر میرا زیادہ وقت نہیں لے گا۔اجے دیوگن نے پروڈکشن ہاو¿س کے ساتھ ساتھ اپنا پیسہ گجرات میں ایک سولر پلانٹ پر لگایا ہے-آمود مہرا کہتے ہیںکہ اداکار اپنی جمع پونجی کئی کاروبار میں پہلے بھی لگاتے رہے ہیں، جیسے کہ لوناولا کی آدھی زمین تو دھرمیندر کی ہے۔ اجے دیوگن نے بھی وہاں زمین لے رکھی ہے۔ جیتندر نے اپنا پیسہ بہت سارا پیسہ نئی عمارتوں کی تعمیر میں لگایا ہے اور سٹاک بھی خریدے ہیں۔ امیتابھ بچن نے کافی پیسہ فارما کمپنی میں لگایا۔ سنجیو کمار اور امجد خان کے ریستوران بھی تھے۔ پر یہ سب ذاتی ہوتے تھے اب یہ ’میڈیا نیٹ‘ بن گیا ہے۔ جس سے اداکاروں کو شہرت ملتی ہے اور پیسہ بھی‘آمود مہرا یہ بھی کہتے ہیں، ’اداکاروں میں دماغ نہیں ہوتا ہے وہ اداکاری کر سکتے ہیں بزنس نہیں۔ یہ تو انویسمنٹ بینکرز ہوتے ہیں جو اداکاروں کے لیے کاروبار کرتے ہیں۔