ممبئی (نیوزڈیسک) بالی وڈ اداکار ابھیشک بچن نے خواہش ظاہر کی ہے کہ وہ اپنی اہلیہ ایشوریا رائے بچن کے ہمراہ کسی کامیڈی فلم میں کام کرنا چاہتے ہیں۔ ابھیشک اپنی اہلیہ کے فلموں میں ہلکے پھلکے کرداروں پر تبصرہ کررہے تھے۔اس موقع پر انہوں نے کہا کہ ایشوریا کے ساتھ کسی فلم میں کام کرنا ان کی پہلی ترجیح ہے لیکن اس کیلئے انہیں مناسب سکرپٹ کا انتظارہے۔ اگر یہ سکرپٹ مزاحیہ ہوگا تو اور بھی مزا آئے گا۔ واضح رہے کہ ایشوریا نے اپنی بیٹی ارادھیا کی پیدائش کے بعد سے فلم میں کام نہیں کیا ہے۔ان کی آئندہ فلم اب اکتوبر میں ”جذبہ “ ہوگی۔ امکان ہے کہ اس فلم میں ایشوریا کی اداکاری کو دیکھنے کے بعد ہی ڈائریکٹرز ایشوریا کے ہمراہ کام کے منصوبوں کو حتمی شکل دیں گے۔