لاہور(آئی این پی)پاکستان سپرلیگ3کے آغاز سے قبل چھٹی ٹیم کی شمولیت کے سبب پہلے سے موجودپانچ فرنچائزٹیموں میں بڑے پیمانے پر تبدیلیوں کا امکان ہے۔کئی فرنچائزڈکھلاڑیوں کو ریلیز کرنے کیلئے تیار بیٹھی ہیں تو کئی فرنچائزٹیموں کی نگاہیں دوسری ٹیموں کے ٹاپ کھلاڑیوں پر جمی ہوئی ہیں۔واضح رہے کہ پی ایس ایل کے قواعدوضوابط کے مطابق چھٹی کی شمولیت کے بعد

پہلے سے موجود پانچ ٹیمیں اپنے سابقہ کھلاڑیوں میں زیادہ سے زیادہ دس پلیئرزہی برقرار رکھ سکتی ہیںجبکہ دیگر سبھی کھلاڑیوں کو ریلیز کرنا ہوگا۔نئی فرنچائزملتان سلطانز بھی دس کھلاڑیوں کا انتخاب کرے گی جس کے بعد ڈرافٹنگ کا باقاعدہ آغازہوگا۔ذرائع کا کہناہے کہ ملتان سلطانزکی ٹیم فاسٹ بولر محمد عرفان کو حاصل کرنے کیلئے اسلام آباد یونائیٹڈ سے رابطے میں ہے جبکہ

لاہورقلندرزکی ٹیم پشاورزلمی کے محمد حفیظ کو حاصل کرنا چاہتی ہے۔اطلاعات یہ بھی ہیں کہ پہلے دونوں پی ایس ایل ٹورنامنٹ کی رنراپ ٹیم کوئٹہ گلیڈی ایٹرزنے بھی اوپنر احمد شہزادکو ریلیزکرنے کا فیصلہ کرلیا ہے جبکہ کراچی کنگز اپنے سری لنکن کپتان کمارسنگاکاراکو ریلیز کرنے کیلئے تیار ہیں تاہم وہ ابھی تک کرس گیل کے بارے میں کوئی فیصلہ نہیں کرسکی ہے۔