ممبئی (یوا ین پی)بالی ووڈ اداکارہ دپیکاپڈوکون نے میڈیکل کی تعلیم حاصل کرنا شروع کر دی۔ بھارتی ذرائع ابلاغ کے مطابق ہدایتکار شوجیت سرکار کی فلم ”پیکو“ جو کہ ایک فیملی کامیڈی ڈرامہ فلم ہے اس میں دپیکا پڈوکون ایک طالبہ کا کردار نبھائیں گی۔ انہوں نے فلم میں کئی سین کی ڈیمانڈ پر حقیقت کا رنگ بھرا ہے۔ اداکارہ نے طبی آلات اور ادویات کے بارے میں جاننے کیلئے پڑھائی شروع کر دی ہے۔اداکارہ نے کہا کہ وہ روزانہ 3سے 4گھنٹے تک طبی مسائل، انکی تشخیص اور حل کے بارے میں پڑھائی کے ذریعے معلومات حاصل کرتی ہیں۔ مذکورہ فلم میں امیتابھ بچن، عرفان خان اور دپیکاپڈوکون مرکزی کردار میں جلوہ گر ہونگے۔فلم 8مئی کو سینما گھروں کی زینت بنے گی۔