سڈنی (آئی این پی )ماضی میں کئی جنسی اسکینڈل میں ملوث رہنے والے سابق آسٹریلوی لیگ اسپنر شین وارن پر مقامی کلب میں زدوکوب کرنے کے الزامات عائد کرنے والی گلیمرگرل ویلیری فوکس کو لینے کے دینے پڑگئے ہیں کیونکہ برطانوی پولیس نے شین وارن کو تمام ترالزامات سے کلیئرکردیاہے۔واضح رہے کہ انگلش گلیمرماڈل ویلیری فوکس نے الزام عائد کیاتھا کہ اسپنر نے

مقامی کلب میں اسے زددکوب کیاتھا۔اس نے اس واقعے کے بعد زخمی حالت میں اپنی تصاویر سوشل میڈیاپر بھی اپ لوڈکرنے کے بعد پولیس سے رابطہ کیا اور شین وارن کے خلاف باقاعدہ رپورٹ تھانہ میں درج کرادی تھی۔پولیس واقعے کی تحقیقات اور سی سی ٹی وی فوٹیج کا جائزہ لینے کے علاوہ شین وارن سے انٹرویو کیا۔جس کے بعدشین وارن نے اعلان کیا کہ پولیس نے اسے کلیئر

کرتے ہوئے پورن اداکارہ کے الزامات کو یکسر غلط قرار دیاہے۔ اب جھوٹا الزام عائد کرنے پر پولیس اداکارہ کے خلاف کاروائی کرسکتی ہے جبکہ شین وارن نے بھی اس پر ہتک عزت کا دعوی کیا تو پھر فحش اداکارہ بری طرح پھنس جائے گی۔اگر کلب میں شین وارن کی موجودگی اورویلیری فوکس کا الزام درست ثابت ہوجاتاتوسابق اسپنربڑی مشکل میں پھنس سکتے تھے جو بہ یک کمنٹری

کے کئی معائدے رکھتے ہیں ۔واضح رہے کہ شین وارن کا ماضی خاصا رنگین رہاہے جس کے سبب ان کی بیوی بھی ان سے طلاق لے چکی ہے جبکہ کچھ عرصہ قبل اس کا نام آسٹریلین ماڈل ایملی سیئرزسے بھی جوڑا جارہاتھا جو ان سے عمرمیں 16برس چھوٹی ہیں۔

موضوعات:ماڈل گرل