اسلام آباد(نیوز ڈیسک)ہمایوں سعید اور ماہرہ خان کی فیچر فلم’بن روئے ‘ کا ٹریلر ریلیز کردیا گیا ہے جسے شائقین نے بہت پسند کیا ہے ۔فلم بن روئے کا ٹریلر کھیت کے نظارے سے شروع ہوتا ہے ،ٹریلر میں ارمین رانا خان کی شادی کا منظر بھی دیکھایا گیا جس میں ماہرہ نے ڈانس کیا ہے۔ ایک انٹرویو میں ماہرہ خان نے بتایا کہ فلم بن روئے مجھے بے حد پسند آئی ہے اور اس فلم میں میں نے ڈانس بھی کیا ہے۔فلم کی کاسٹ میں ماہرہ خان، ہمایوں سعید ،ارمین خان ،زیبا بختیار، جاوید شیخ اور جنید خان شامل ہیں ۔ فلم کی ریلیز عید تک متوقع ہے ۔