اسلام آباد(نیوز ڈیسک) بالی ووڈ حسینہ جیکولین فرنینڈس اپنی نئی آنیوالی فلم ڈیشوم کی عکس بندی کیلئے 20 روز کیلئے ابو ظہبی جائینگی جہاں وہ پرورن دھون کےساتھ رومانوی گانے کی شوٹنگ کریں گی۔ روہت دھون کی ہدایتکاری میں بنائی جانےوالی فلم میں ورون دھون اور جان ابراہم بھی مرکزی کردار میں ہیں فلم کی عکس بندی اگلے ماہ شروع ہونے کا امکان ہے۔ ایک انٹرویو میں جیکولین نے کہا کہ میں ورون دھون اور جان ابراہم کےساتھ کام کرنے کےلئے بے چین ہوں، انہوں نے کہا کہ میں فلم میں ورن دھون کےساتھ ایک اچھوتے اور بولڈ کردار میں ہوں۔ انہوں نے کہا کہ فلم کے پہلے اسپیل میں جان ابراہم شرکت نہیں کریں گے جبکہ اس میں میرے اور ورون پرکچھ سین عکس بند ہونگے جب کہ ریت کے ٹیلوں میں ایک گانا بھی فلمایا جائےگا۔ انہوں نے کہا کہ ہندی لب ولہجے پر مکمل عبور حاصل کرنے کیلئے محنت کررہی ہوں اور اس میں کافی حد تک کامیاب بھی ہوچکی ہوں۔