ممبئی (نیوز ڈیسک)بالی ووڈ اداکارہ نرگس فخری کا کہنا ہے کہ انہوں نے بوبی دیول کے ساتھ کسی فلم میں اداکاری سے انکار نہیں کیا اور میڈیا میں اس حوالے سے غلط خبریں سامنے آ رہی ہیں۔ ایک انٹرویو میں نرگس فخری نے کہا کہ جس فلم کی مجھے پیشکش ہی نہیں کی گئی اس میں کام کرنے سے انکار کیسے کر سکتی ہوں۔ مجھے بوبی دیول کے ساتھ کسی فلم میں کام کی آفر نہیں کی گئی اس لئے انکار کا سوال ہی پیدا نہیں ہوا۔
بھارتی میڈیا میں ایسی خبریں سامنے آئی تھیں کہ بوبی دیول کی ہوم پروڈکشن کے تحت بننے والی ایک فلم میں نرگس فخری کو بھی اہم کردار کی پیشکش کی گئی تھی لیکن انہوں نے ڈیٹس ایشو کی وجہ سے فلم میں کام سے انکار کر دیا۔ بوبی دیول ان دنوں بطور پروڈیوسر تو کئی فلمیں بنانے میں مصروف ہیں لیکن بطور اداکار وہ کم کم ہی دکھائی دیتے ہیں۔ ان دنوں بھی وہ کسی فلم میں اداکاری نہیں کر رہے ہیں۔
مزید پڑھئے:سلمان اورمجھ سے شادی کا سوال کرنا چھوڑ دیں : تبو
