پیرس (نیوزڈیسک)بالی وڈ اداکارہ ملیکہ شیراوت آج خوشی سے پھولے نہیں سما رہی ہیں کیونکہ انہیں دورہ یورپ میں مصروف بھارتی وزیراعظم نریندر مودی کی پیرس میں تقریر سننے کیلئے مدعو کیا گیا ہے۔ یہ دعوت نامہ انہیں یونیسکو کی جانب سے دیا گیا ہے جس کے مطابق وہ آج دوپہر پیرس میں ہونے والی تقریب میں مدعو ہیں۔ واضح رہے کہ ملیکہ شیراوت نریندر مودی کے عشق میں گرفتار ہیں اور اس امر کا بارہا اظہار کرچکی ہیں کہ وہ نریندر مودی سے ملاقات چاہتی ہیں۔ فی الحال یہ واضح نہیں ہے کہ اس تقریب میں بھارتی وزیراعظم انہیں شرف ملاقات بھی بخشیں گے یا محض انہیں وزیراعظم کی تقریر پر ہی اکتفا کرنا پڑے گا۔