ممبئی (آئی این پی) بھارتی کے معروف رئیلٹی شو ’’بگ باس ‘‘کے میزبان سلمان خان کو دیئے جانیوالے معاوضے کی وجہ سے خبروں کی زینت بنا ہوا ہے ، جی ہاں ، سلمان خان کو ایک قسط کا معاوضہ 11کروڑ بھارتی روپے دیاجارہاہے ،یہاں یہ امر بھی قابل ذکر ہے کہ چوتھے سے چھٹے سیزن میں سلمان خان اڑھائی کروڑ روپے وصول کرتے رہے۔
انڈیا ٹائمز کے مطابق بگ باس سیزن 11یکم اکتوبرسے آن ایئرہونے جارہاہے اور اس کیلئے بھی میزبان سلمان خان ہی ہیں ، یہ آٹھواں سیزن ہے جس کی میزبانی سلومیاں کرنے جارہے ہیں اور اطلاعات کے مطابق سلمان خان کو گیارہویں سیزن کی ایک قسط کا گیارہ کروڑ روپے معاوضہ مل رہاہے اور اگر گزشتہ سیزنز کے معاوضے کا تقابلی جائزہ لیا جائے تو یہ ایک بھاری رقم ہے تاہم شوکا حصہ بننے والوں کیلئے کوئی آفرنہیں۔
