لاہور (آئی این پی)معروف دانشور انور مقصود نے کہا ہے کہ میرا سوشل میڈیا پر کسی قسم کا کوئی اکاؤنٹ نہیں ہے،بہت سے لوگوں نے میرے نام سے جعلی اکاؤنٹ بنارکھے ہیں، میرا ان سے کوئی تعلق نہیں ہے۔اپنے ایک ویڈیو پیغام میں انور مقصود نے کہا کہ میرے نام سے کئی لوگ سیاسی لیڈرز کے بارے میں سوشل میڈیا پر گفتگو اور بیان بازی کرتے ہیں لیکن میں سب کو بتانا چاہتا ہوں کہ میرا فیس بک،ٹوئیٹرو دیگر سوشل میڈیا پر
کسی بھی قسم کا کوئی اکاؤنٹ نہیں ہے،میرے پاس نا تو سمارٹ فون ہے اور نہ ہی لیپ ٹاپ جبکہ انٹرنیٹ کی سہولت بھی موجود نہیں ہے، میں نوکیا کا سب سے پرانا موبائل فون استعمال کرتا ہوں، جس پر میسج بھی صحیح طرح سے نہیں لکھا جا سکتا،لہٰذا بہت سے لوگوں نے میرے نام سے جعلی اکاؤنٹ بنارکھے ہیں،ان کو بتانا چاہتا ہوں کہ میرا ان سے کوئی تعلق نہیں ہے،میری وجہ سے جن کو تکلیف ہوئی ان سے معذرت خواہ ہوں۔(اح)
