اسلام آباد (این این آئی)وزیرمملکت برائے داخلہ طلال چودھری نے کہا ہے کہ ماڈل ٹائون کمیشن کی رپورٹ کی کوئی قانونی حیثیت نہیں ٗرپورٹ آنے کے بعد جوکچھ ہونا ہے وہ پہلے ہی ہوچکا،سانحہ ماڈل ٹائون ٗدہشت گردی کی عدالت میں ٹرائل ہوچکا ہے۔ میڈیا سے بات چیت میں طلال چودھری نے کہاکہ کمیشن کی رپورٹ پرزیادہ سے زیادہ ایف آئی آر اورٹرائل ہوسکتاہے،دونوں ہوچکے ہیں۔انہوں نے کہا کہ ماڈل ٹائون کمیشن کی رپورٹ شائع کرنی ہے تودیگرکمیشن کی رپورٹس کیوں نہیں؟

طلال چودھری نے کہا کہ یہ کون سے جادوگرہیں جوبتادیتے ہیں کہ کونسی درخواست ہوگی اورکیا کارروائی ہوگی، جادوگروں نے کہا حدیبیہ پیپرز مل کھلے گا اوروہ کھل بھی گیا۔انہوںنے کہا کہ تمام کارروائیوں کا نشانہ شریف فیملی ہی کیوں ہے؟نقصان شریف فیملی یا ن لیگ کا نہیں پاکستان کا ہورہا ہے۔وزیرمملکت برائے داخلہ نے کہا کہ پچھلی مرتبہ ایٹمی دھماکا کرنے کی وجہ سے نوازشریف کوجلاوطن کیا گیا ٗاس مرتبہ سی پیک کی وجہ سے پہلے دھرنا ہوا اوراب ہٹایا گیا۔