اہور(این این آئی) فلمسٹار نور اور گلوکار ولی حامد علی خان کے درمیان طلا ق کی اصل وجہ سامنے آگئی۔ ذرائع کے مطابق ولی حامد کے مبینہ طور پر ماڈل و اداکارہ ثمرہ چوہدری سے تعلقات تھے اور نور نے اس حوالے سے ولی حامد کو متعدد مرتبہ منع بھی کیا مگر در پردہ ولی حامد نے خفیہ ملاقاتیں جاری رکھیں جو
دونوں کے درمیان طلاق کی وجہ بنی ۔ اب طلاق کے بعد ماڈل ثمرہ چوہدر ی نے اپنے سوشل میڈیا فیس بک پر ولی حامد کے ساتھ اپنی تصویر اپ لوڈ کر کے اسٹیٹس اپ لوڈ کیا ہے کہ میں بڑے عرصے سے اس موقع کی متلاشی تھی اور اب میں زندگی کا باقی سفر ولی حامد کے ساتھ گزاروں گی ۔اس حوالے سے جب تصدیق کرنے کیلئے گلوکار ولی حامد کے موبائل پر رابطہ کیاگیا تو ان کا فون بند تھا ۔یاد رہے کہ نور نے ولی حامد سے عدالت کے ذریعے خلع لے لی ہے۔خلع لینے سے قبل دونوں کے مشترکہ دوستوں نے ان کے درمیان صلح کی بھرپور کوششیں کی تھیں مگر وہ تمام بے سود ثابت ہوئیں۔فیملی عدالت کے جج فیصل نسیم میر نے اداکارہ نور کے خلع کے دعوے پر فریقین کے مکمل بیانات سننے کے بعد ڈگری جاری کی۔اداکارہ نے موقف اختیار کیا کہ وہ اپنے خاوند کے ساتھ نہیں رہنا چاہتی اس لیے اس کے حق می خلع کی ڈگری جاری کی جائے جبکہ ولی حامد نے بیان دیا کہ وہ نور سے علیحدگی نہیں چایتا اس لیے عدالت دعوا خارج کرے ۔عدالت نے دونوں فریقین کے بیانات اور وکلا کے دلائل مکمل ہونے پر خاوند ولی حامد کی درخواست مسترد کرتے ہوئے فلمسٹار نور کے حق میں خلع کی ڈگری جاری کر دی ۔اداکارہ نور اس سے قبل بھی تین بار طلاق لے چکی ہیں ‘ انھوں نے پہلی شادی ہندو تاجر وکرم سے 2003 میں کی
