اسلام آباد (مانیٹرنگ ڈیسک) عوامی مسلم لیگ کے سربراہ شیخ رشید نے سابق وزیر داخلہ چوہدری نثار کو گھونگھٹ اتارنے کا مشورہ دے دیا، تفصیلات کے مطابق عوامی مسلم لیگ کے سربراہ شیخ رشید احمد نے سابق وزیر داخلہ چوہدری نثار کو مخاطب کرتے ہوئے کہا کہ
گھونگھٹ اتاردو، بلاول مت بنو، شاہد خاقان نفلوں کی مار ہے۔ تحریک انصاف کے رہنما شاہ محمود قریشی نے کہا کہ پیپلزپارٹی اب زرداری لیگ بن چکی ہے ان کے علاوہ لیاقت جتوئی کہتے ہیں کہ اب زرداری کا سندھ کارڈ نہیں چلے گا۔ عوامی مسلم لیگ کے رہنما شیخ رشید احمد نے حیدر آباد جلسہ عام سے خطاب کرتے ہوئے کہا کہ عدلیہ اور فوج کے خلاف بات کرنے والوں کی زبان کھینچ لی جائے گی، انہوں نے کہا کہ یہاں عوام کا سمندر ہے، دادو میں تو جلسی ہوئی تھی، شریف خاندان تو اپنی بنائی ہوئی نیب عدالتوں میں بھی پیش نہیں ہوا۔ شیخ رشید نے کہاکہ میرے پاس ایک گولی والا پستول ہے جو 62، 63 میں سابق وزیراعظم میاں محمد نواز شریف کو ٹھک کرکے لگا ہے، اب پورے خاندان کو گھیرے میں لے لیا ہے۔ اب وزیراعظم شاہد خاقان کی باری ہے، شیخ رشید نے وزیراعظم شاہد خاقان عباسی کو مخاطب کرتے ہوئے کہا کہ تم نے مجھے چیلنج کیا، اگر میں ثابت نہ کروں کہ ایل این جی کے تم پارٹنر ہو تو سیاست چھوڑ دوں گا، انہوں نے سندھ کی عوام سے کہا کہ اٹھو اور ان چوروں، ڈاکوؤں کے خلاف اعلان جنگ کر دو۔
