لاہور( این این آئی)پاکستان پیپلز پارٹی کے مرکزی رہنما سینیٹر اعتزاز احسن نے کہا ہے کہ سانحہ ماڈل ٹاؤن پر جسٹس باقر نجفی کمیشن کی رپورٹ بہت پہلے منظر عام پرآنی چاہیے تھی ،اس سانحہ کے مجرم پنجاب حکومت میں بیٹھے ہیں اس لئے ان کے بچاؤ کیلئے انٹرا کورٹ اپیل دائر کی جائے گی ۔ نجی ٹی وی سے گفتگو کرتے

ہوئے اعتزاز احسن نے کہا کہ پنجاب حکومت نے جان بوجھ کر رپورٹ کو منظر عام پر لانے میں تاخیر ی حربے استعمال کئے ۔ اس سانحہ کے مجرم حکومت میں بیٹھے ہیں اس لئے ان کو بچانے کے لئے انٹراکورٹ اپیل اور دیگر حربے استعمال کئے جائیں گے لیکن ان اپیلوں میں سے کچھ نہیں نکلے گا اور انہیں اس رپورٹ کو منظر عام پر لانا پڑے گا۔