ساہیوال(مانیٹرنگ ڈیسک) پی پی کے چیئرمین بلاول کے آنے کی خوشی میں ایک جیالے نے مفت چائے تقسیم کرنا شروع کردی۔نجی ٹی وی چینل کی رپورٹ کے مطابق آج ساہیوال میں پیپلز پارٹی جلسہ کرنے جاری ہے جس کے لیے بلاول بھٹو یہاں پہنچ رہے ہیں، پی پی کے کارکنوں میں بہت جوش و خروش پایا جاتا ہے۔ 20

سال بعد پیپلز پارٹی کی اعلیٰ قیادت یہاں تاریخی جلسہ کرنے جارہی ہے، اور ایک چائے والا جیالا خوشی کے مارے لوگوں میں مفت چائے تقسیم کررہا ہے ۔پی پی کے جیالے چائے والے نے اس حوالے سے بتایا کہ آج پہلی بار بی بی شہید کے بیٹے بلاول بھٹو یہاں آرہے ہیں اس خوش میں صبح سے تین من دودھ کی چائے مفت تقسیم کرچکا ہوں اور چائے بھی اسپیشل گڑ والی ہے، صبح سے بچے، بزرگ اور خواتین بھی گاڑی میں بیٹھے بیٹھے چائے پی رہی ہیں۔دوسری جانب پی پی پی پنجاب کی اعلیٰ قیادت پہلے ہی ساہیوال پہنچ چکی ہے۔ جلسہ عام سے قمر زمان کائرہ، ندیم افضل چن، میاں منظور احمد وٹو، مصطفیٰ نواز کھوکھر، ساہیوال ڈویژن کے صدر خرم جہانگیر وٹو اور ضلع ساہیوال کے صدر ذکی چودھری سمیت دیگر قائدین خطاب کریں گے۔ پیپلز پارٹی کے سینئر رہنما اورسینیٹ میں قائد حزب اختلاف چودھری اعتزاز احسن کی جلسہ میں شرکت بھی متوقع ہے۔قبل ازیںبلاول بھٹو کوسخت سکیورٹی میں بلاول ہائوس پہنچایا گیا۔ پاکستان پیپلز پارٹی کا چنیوٹ اور فتح جنگ کے بعد ساہیوال میں یہ تیسرا بڑا جلسہ ہوگا جس میں پیپلز پارٹی اپنی سیاسی قوت کا مظاہرہ کرے گی۔